BBC Radio nan Gàidheal

Mac'illeMhìcheil

Entertainment

Iain Mac'illeMhìcheil

Cuiridh Iain Mac Ille Mhicheil agus a chairdean an deireadh-seachdain air a chasan.

Cuiridh Iain Mac Ille Mhicheil agus a chairdean an deireadh-seachdain air a chasan. John Carmichael sets feet tapping at the start of the weekend

Mac'illeMhìcheil: 10/08/2018

10/08/2018

BBC Radio nan Gàidheal - Mac'illeMhìcheil, 10/08/2018

Air Mac 'Ille Mhìcheil, Shelagh Chaimbeul à Glaschu agus Linda Nicleòid à Uibhist a Tuath.

John Carmichael is joined by guests Shelagh Campbell and Linda Macleod, both of whom work with the Gaelic Books Council which marks its 50th anniversary in 2018.

Dà uair a thìde de chòmhradh agus ceòl air leth, còmhla ri Iain Mac 'ille Mhìcheil, a' craoladh beò à stiùdio a' BhBC ann an Glaschu. Air aoigheachd aige an t-seachdainn sa, dithis a tha 'g obair do Chomhairle nan Leabhraichean. A' bhliadhna seo fhèin, tha a' Chomhairle a' comharrachadh leth-cheud bliadhna de thaic agus leasachadh litreachais is foillseachadh na Gàidhlig, le tachartasan sònraichte air an cuir air dhòigh. 
Rugadh Shelagh Chaimbeul air taobh a deas Ghlaschu. Rinn ì ceum ann an Eachdraidh aig Oilthigh a' bhaile, agus iar-cheum sa Ghàidhlig. Thòisich ì ag obair aig Comhairle nan Leabhraichean an toiseach ann an 2010. Bha Shelagh an uairsin greis a' fuireachd ann am Baile Ath' Cliath agus aig Oilthigh Ghlaschu fhèin, mus do thill ì chun na Comhairle bho chionn dà bhliadhna, mar Oifigear Reic is Margaideachd. 

'S ann à Clachan-na-Lùib an Uibhist a Tuath a tha Linda Nicleòid, ged a tha i air a bhith a' còmhnaidh ann an Glaschu airson iomadh bliadhna. Tha i ag obair air a ceann fhèin, eadar na meadhanan Gàidhlig, seiseanan chloinne do Chomhairle nan Leabhraichean, a' teagasg Gàidhlig do chloinn, a' seinn, agus a' rannsachadh. 

Cluinnidh sinn seanchas Linda is Shelagh, agus ceithir roghainnean ciùil pearsanta eatorra. Mar is àbhaist cuideachd, bìth measgachadh math de sheinneadairean is còmhlain aig Mac ílle Mhìcheil fhèin dhuinn. Tha iad sin uile air an taghadh eadar Country, Americana is ceòl Ceilteach, le seann òrain agus feadhainn a tha buileach ùr air an clàradh.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Mac'illeMhìcheil

10/08/2018

Genres

Brand

BBC Radio nan Gàidheal

About BBC Radio nan Gàidheal